તમારા અસ્થમાને માપો

પીક ફ્લો મીટર (બ્રીધોમીટર)એ સરળ, સસ્તું, હાથથી ચલાવી શકાય એવું સાધન છે, જે બાળકો અને વયસ્કોની શ્વાસ લેવાની સમસ્યાઓનું અને અસ્થમાનું નિદાન કરવામાં મદદ કરે છે. તમને અસ્થમાની સારવાર દરમ્યાન તેનો ઉપયોગ તમારામાં થઈ રહેલા સુધાર પર નજર રાખવા માટે પણ ઇન્સ્ટ્રૂમેંટની જેમ કરવામાં આવે છે.

જે રીતે તમારી પાસે બ્લડ પ્રેશરને તપાસવા BP ઉપકરણ અને ડાયાબિટીઝ માટે ગ્લુકોમીટર હોય છે, તે રીતે પીક ફ્લો મીટર (બ્રીધોમીટર) એ અસ્થમા માટેનું એક થર્મોમીટર છે. દર્દી તરીકે, તમારે સાધનના માઉથપીસમાં ફૂંક મારવાની રહેશે અને તમારા ફેફસાંની શક્તિની તપાસ કરવા રીડિંગ લેવામાં આવશે. મોટાભાગના ડૉક્ટરોની પાસે તેમની ક્લિનિકમાં સાધન હોય છે પણ જો તમે તમારા અસ્થમાની તપાસ કરવા માંગો છો, તો તે બધી મુખ્ય દવાની દુકાનો પર પણ ઉપલબ્ધ હોય છે.


જો તમને અસ્થમા છે તો તમે ખરેખર તમારામાં સુધાર થઈ રહ્યો છે કે નહીં તે માપવા માટે પીક ફ્લો મીટર (બ્રીધોમીટર)નો ઉપયોગ કરી શકો છો. તમારા ડૉક્ટર તમને બતાવશે કે પીક ફ્લો મીટર (બ્રીધોમીટર) પર કઈ સંખ્યા અથવા રીડિંગ તમારી ઉંમર અને ઊંચાઈ મુજબ તમારા માટે સારી કે સામાન્ય છે. જો રીડિંગમાં ઘટાડો છે, તો એનો અર્થ એ છે કે તમારો અસ્થમા નિયંત્રણમાં નથી અને તમને નિકટ ભવિષ્યમાં અથવા કેટલાક દિવસમાં અસ્થમાનો હુમલો થઈ શકે છે. આ ડોઝ અથવા દવાનું પ્રમાણ વધારવાની ચેતવણી છે. જો નંબર પાછલી રીડિંગ કરતાં વધારે છે, તો એનો અર્થ એ છે કે તમારો અસ્થમા નિયંત્રણમાં છે અને તમારામાં સુધાર થઈ રહ્યો છે. જ્યારે પીક ફ્લો મીટર (બ્રીધોમીટર)નું રીડિંગ સામાન્ય (આકડા તમને તમારા ડૉક્ટર જણાવશે) હોય, તો તે સૂચવે છે કે તમારો અસ્થમા નિયંત્રણમાં છે..

સ્પાઇરોમીટરી તપાસ એ વધુ સંવેદનશીલ અને અત્યાધુનિક તપાસ છે જે અસ્થમાના લક્ષણોની તપાસ જલ્દી કરે છે. સ્પાઇરોમીટરનો ઉપયોગ એ માપવા માટે કરવામાં આવે છે કે તમારા ફેફસાં કેટલો વાયુ લઈ શકે છે અને કેટલી સહેલાઇથી વાયુ તમારા ફેફસાંમાં આવે છે અને જાય છે. બીજા શબ્દોમાં, તે તમારા ફેફસાંની શક્તિનો સારો સંકેત આપે છે અને તમને તમારી શ્વાસ લેવાની ક્ષમતા વિશેની સાચી વિગતો આપે છે. તપાસ યોજનારી લેબ કે ડૉક્ટર તમને તમારા રીડિંગનો એક છાપેલો ગ્રાફ આપશે ઠીક એવો જ કે જ્યાએ તમારી ઈસીજી તપાસ કરાવવા પર તમને મળે છે.

બંને પીક ફ્લો મીટર (બ્રીધોમીટર) અને સ્પાઇરોમીટરી તપાસનો ઉપયોગ અસ્થમાના નિદાનમાં કરવામાં આવે છે અને તમારો અસ્થમા નિયંત્રણમાં હોવા પર તમારા સુધારને માપવામાં પણ તમારી મદદ કરે છે.

જો કે, છ વર્ષની નીચેના બાળકો માટે આ તપાસ ભલામણભરી નથી, એક માતા-પિતા તરીકે એ સુનિશ્ચિત કરવા માટે કે તમારા કૌટુંબિક ઇતિહાસ અને ટ્રિગર્સ પર ગંભીરતાથી ધ્યાન આપતાં તમારા બાળકના અસ્થમાનું નિદાન જલ્દી અને યોગ્ય રીતે કરવામાં આવ્યું છે, તમારે તમારા બાળ રોગ વિશેષજ્ઞની સાથે મળીને કામ કરવાનું રહેશે. તમારે પણ તમારા ડૉક્ટરની મુલાકાત નિયમિત રૂપે લેવાની રહેશે જેથી સાથે તમે પણ તમારા બાળકના સુધાર પર નજર રાખી શકો.